Пытанні

Нашаму прадпрыемству неабходна вызначыць утрыманне каштоўных металаў у пэўным узоры (дэталь, адходы, раствор і г.д.). Ці аказвае ваша прадпрыемства такія паслугі?

Так, на нашым прадпрыемстве дзейнічае акрэдытаваная Дзяржаўная лабараторыя прабірнага аналізу,якая выконвае аналітычныя работы ў галіне вызначэння металаў у розных аб'ектах. Вам неабходна даслаць на факс 398 38 81 заяўку падрабязным тлумачэннем, колькасць якіх металаў і ў якім узоры вам трэба ўстанавіць. Па пыніках даследвання звесткі аб утрыманні металаў афармляюцца ў выглядзе пратакола выпрабаванняў.

Як вызначыць утрыманне каштоўных металаў у выглядзе пакрыццяў на дэталях, ламелях друкаваных плат?

Методыка вызначэння ўтрымання каштоўных металаў прыведзена у раздзеле «Дакументы» нашага сайта.

Ці можна ў вас набыць даведнікі аб утрыманні каштоўных металаў?

Распрацоўвае і рэалізуе даведнікі аб утрыманні каштоўных металаў у камплектуючых, вырабах і абсталяванні РУП МГЛКМ. Тэл. у г. Мінску 226 10 38, 230 19 73.

Як вызначыць утрыманне каштоўных металаў у кантактах электрапускавой апаратуры і кантактах рэле?

Статыстычныя дадзеныя аб утрыманні каштоўных металаў у кантактах прыведзены ў раздзеле «Дакументы» нашага сайта.

Па якіх даных пра ўтрыманне каштоўных металаў вы прымаеце лом імпартных вырабаў і дзе знайсці гэтыя даныя?

Лом імпартных вырабаў (пераважна у выглядзе плат) прымаецца па статыстычных даных аб сярэднеўзважаным утрыманні каштоўных металаў. Звесткі размешчаныя ў раздзеле «Дакументы» нашага сайта.

Ці можам мы ўтылізаваць абсталяванне, прыборы і г.д. без выдзялення каштоўных металаў з іх?

Згодна з заканадаўствам РБ абсталяванне, вырабы, вузлы, лом і адходы, якія змяшчаюць каштоўныя металы, падлягаюць утылізацыі з выдзяленнем каштоўных металаў. Выключэнне складаюць найменні, ўключаныя у Пералiк камплектуючых, вузлоў і дэталяў абсталявання, прыбораў і іншых вырабаў, з якіх выдзяленне каштоўных металаў эканамічна немэтазгодна зацверджаны Пастановай Міністэрства фінансаў Рэспублікі Беларусь ад 29.12.2016 N 115 .

Якую мінімальную партыю лому або адходаў вы прымаеце?

Эканамічная мэтазгоднасць прыёму і перапрацоўкі партыі вызначаецца яе вагой (для раствораў - аб'ёмам) і утрыманнем каштоўных металаў. Для разліку эканамічнай мэтазгоднасці перапрацоўкі партый вам неабходна выслаць у наш адрас заяўку (узор №1 да тыпавога дагавора).

Якія суправаджальныя дакументы неабходна аформіць на партыю вырабаў, лому, адходаў?

Ва ўсіх выпадках неабходна аформіць таварна-транспартную (або таварную) накладную і пасведчанне бяспекi. Вопісы афармляюцца ў залежнасці ад варыянта супрацоўніцтва, віду лому і адходаў.

1. Пры пастаўцы вырабаў на разборку афармляецца вопіс вырабаў згодна з узорам № 2 да тыпавога дагавора;

2. Пры пастаўцы лому на аблік афармляецца вопіс па узоры № 2 да тыпавой дамовы. Прыклад запаўнення табліцы вопісу:

Нумар пасылкі (назва лому і адходаў)	Колькасць кг		Змест каштоўных металаў у грамах
Нумар пасылкі (назва лому і адходаў)	брута	нета	золата	срэбра	плаціна	паладый	іншыя
Лом, які змяшчае каштоўныя металы		25,5
РАЗАМ:		25,5	*	*	*	*

Заўвага: * Можа быць пазначана сумарнае утрыманне ДМ па дадзеных бухгалтарскага ўліку Пастаўшчыка.

3. Пры пастаўцы партыі, якая складаецца толькі з лому імпартных вырабаў, афармляецца вопіс па узоры № 2 да тыпавой дамовы.

Прыклад запаўнення табліцы вопісу:

Нумар пасылкі (назва лому і адходаў)

Колькасць

кг

Змест каштоўных металаў у грамах

брута

нета

золата

срэбра

плаціна

паладый

іншыя

Лом

імпартных

вырабаў

РАЗАМ:

53,0

50,4

8,316

49,04

22,176

4. Пры пастаўцы партыі срэбранага лому і адходаў у выглядзе кантактаў электрапускавой апаратуры, кантактаў рэле, соляў, сухіх молатых шламаў афармляецца вопіс па узоры № 2 да тыпавой дамовы.

Прыклад запаўнення табліцы вопісу:

Нумар пасылкі (назва лому і адходаў)	Колькасць кг		Змест каштоўных металаў у грамах
Нумар пасылкі (назва лому і адходаў)	брута	нета	золата	срэбра	плаціна	паладый	іншыя
1. Кантакты гр. 1а 2. Кантакты гр. 3 3. Кантакты рэле 4. Срэбра хлорыстае		0,555 1,250 0,660 0,885		499,5 250,0 215,8 655,0
РАЗАМ:		3,35		1620,3

5. Пры пастаўцы разнастайных партый, якія ўключаюць мноства рознаіменных пазіцый радыёэлектроннага лому і (або) адходаў афармляюцца вопісы на кожнае сфарміраванае месца па узоры № 3 да тыпавой дамовы і вопіс па узоры № 2 да тыпавой дамовы з пералікам нумароў месцаў (пасылак) і сумарных даных па кожным месцы.

Колькі каштуе разборка аднаго камп’ютара, манітора і г.д.?

Даведацца кошт работ па разборцы (дэмантажу) абсталявання, вузлоў радыёэлектронных і іншых вырабаў, вы можаце накіраваўшы нам іх вопіс па ўзоры.

На нашым прадпрыемстве (у арганізацыі) назапасілася пэўная колькасць спісаных вырабаў (ці лому ад іх разборкі, ці таго і іншага). З чаго пачаць, каб здаць іх на ваша прадпрыемства?

1. Неабходна абраць прымальны для Вас варыянт супрацоўніцтва:

Варыянт	Дзеянні		Нататкі
Варыянт	пастаўшчыка	перапрацоўшчыка	Нататкі
1	Пастаўка вырабу ў неразабраным выглядзе. Сумесна з вырабамі можа быць пастаўлены і лом, які ўтварыўся пры частковай разборцы, рамонтах вырабаў.	Разборка вырабаў, вызначэнне зместу ДМ у атрыманым ломе, выманне ДМ з лому, утылізацыя адходаў, якія не змяшчаюць ДМ; разлік з пастаўшчыком за вынятыя ДМ.	Паслуга па разборцы вырабаў платная: аплата папярэдняя, або па факце выканання работ
2	Разборка вырабаў, падрыхтоўка лому да здачы ў адпаведнасці з агульнымі патрабаваннямі да падрыхтоўкі лому, разлік зместу ДМ у кожнай пазіцыі лому.	Прыём крышана, уключаючы праверку дадзеных пастаўшчыка аб утрыманні ДМ, узбагачэнне крышана (пры неабходнасці), выманне ДМ з крышана, разлік з пастаўшчыком за вынятыя ДМ.	Дагавор заключаецца пры ўмове бясстратнасці перапрацоўкі назапашанай партыі.
3	Разборка вырабаў, падрыхтоўка лому да здачы ў адпаведнасці з агульнымі патрабаваннямі да падрыхтоўкі лому, без разліку зместу ДМ у ломе.	Прыём крышана, узбагачэнне крышана (пры неабходнасці), разлік утрымання ДМ у крышана, выманне ДМ з крышана, разлік з пастаўшчыком за вынятыя ДМ.	Паслуга па разліку зместу ДМ платная: аплата папярэдняя, або па факце выканання работ.

2. У залежнасці ад абранага варыянту супрацоўніцтва Вам неабходна:

- пры варыянце 1 – накіраваць па факсе 398 38 81, альбо па электроннай пошце info@unidragmet.by заяўку на разборку;
- пры варыянце 2 – накіраваць па факсе 398 38 81, альбо па электроннай пошце info@unidragmet.by заяўку на заключэнне дагавора з указаннем зместу ДМ па кожным відзе лому;
- пры варыянце 3 – накіраваць па факсе 398 38 81, альбо па электроннай пошце info@unidragmet.by гарантыйны ліст на аказанне паслуг па абліку партыі радыёэлектроннага лому.

Пры наяўнасці раней заключанага паміж пастаўшчыком і перапрацоўшчыкам і дзеючага тыпавога дагавора на пастаўку лому і адходаў, заяўку на разборку або гарантыйны ліст на аблік Пастаўшчык накіроўвае на кожную зноў назапашаную партыю вырабаў або лому, якія падлягаюць здачы.

Ці купляеце вы аўтамабільныя каталізатары у фізічных асоб?

Так, купляем. Кошты ўдакладняйце па тэл. +375 (29) 186-80-18, таксама дасылайце марку аўтамабіля або нумар каталізатара або адпраўце фатаграфію з нумарам на пошту: glpa@unidragmet.by або Viber. Прыёмка ажыццяўляецца Пн.-Чц. з 8-45 да 16-00, Пт. з 8-45 да 13-30, перапынак з 12-00 да 12-45, рэгістрацыя ў электроннай чарзе: Пн.-Чц. з 8-15 да 15-45, Пт. з 8-15 да 13-15 па адрасе г. Мінск, вул. Курчатава, 1. Пры здачы неабходна мець агульнаграмадзянскі пашпарт.